բ.գ.դ., պրոֆեսոր, ԱՐԱԲԿԻՐ բժշկական համալիր-Երեխաների և դեռահասների առողջության ինստիտուտի գիտական ղեկավար, Երևանի պետական բժշկական համալսարանի մանկական վիրաբուժության ամբիոնի վարիչ

Ա. Բաբլոյանը Հայաստանի խոշոր մանկաբուժական հիվանդանոցներից մեկի՝ ԱՐԱԲԿԻՐ ԲՀ-ԵԴԱԻ հիմնադիրն է։ Նա վիրաբույժ և հանրային առողջության փորձագետ է։ Երևանի պետական բժշկական ինստիտուտի մանկաբուժության ֆակուլտետն ավարտելուց հետո ասպիրանտուրան շարունակել է մանկական վիրաբուժության ոլորտում Մոսկվայում և Սանկտ Պետերբուրգում, որտեղ ստացել է թեկնածուի և դոկտորի գիտական աստիճաններ։ Բելգիայում և Շվեյցարիայում երիկամների փոխպատվաստման շարունակական վերապատրաստման շնորհիվ բժիշկ Բաբլոյանը Հայաստանում հիմնել է օրգանների փոխպատվաստման ծրագիրը։ Պրոֆեսոր Բաբլոյանը 1997 թվականից Երևանի պետական բժշկական համալսարանի մանկական վիրաբուժության ամբիոնի վարիչն է։

Երկու տարի ժամանակով զբաղեցրել է ՀՀ ԱԺ նախագահի պաշտոնը, որին նախորդել է առողջապահության, մայրության և մանկության հարցերի մշտական հանձնաժողովի նախագահի պաշտոնը տասը տարի ժամկետով: 1991-1997 թվականներին զբաղեցրել է ՀՀ առողջապահության նախարարի պաշտոնը։

Ա. Բաբլոյանն ունի Առողջապահության համաշխարհային կազմակերպության (ԱՀԿ) հետ աշխատելու երկարամյա փորձ՝ լինելով Եվրոպայի Տարածաշրջանային կոմիտեի (ԱՀԿ) մշտական հանձնաժողովի անդամ, Երեխաների և դեռահասների առողջության հարցերով տեխնիկական ղեկավար կոմիտեի (ԱՀԿ) անդամ և ԱՀԿ գործադիր խորհրդի անդամ:

Պրոֆեսոր Բաբլոյանը 3 գիտական գյուտերի, 8 մենագրությունների և ավելի քան 235 հրապարակումների հեղինակ է։

Թերապևտ, վիրաբույժ

Վ. Խաչատրյանը 1989-1992 թթ. աշխատել  է տարբեր պաշտոններում՝ Լեռնային Ղարաբաղի Հանրապետության Ասկերանի կենտրոնական շրջանային պոլիկլինիկայում որպես թերապևտ, Ասկերանի շրջանի Դաշբուլաղի գյուղական տեղամասային հիվանդանոցում որպես գլխավոր բժիշկ, Ասկերանի կենտրոնական շրջանային պոլիկլինիկայում  որպես գլխավոր բժիշկ:

1999-2001թթ. անցել է կլինիկական օրդինատուրան <<Ընդհանուր վիրաբուժություն>> մասնագիտությամբ: Շուշիի շրջանում առողջապահության համակարգի ձևավորման պահից՝ 1992 թվականից մինչև 2020 թվականի սեպտեմբերի 27-ը  աշխատել  է  Շուշիի շրջանային  բժշկական միավորումում որպես գործադիր տնօրեն, իսկ համատեղության կարգով՝ որպես վիրաբույժ:

2014 թվականին ԼՂՀ նախագահի հրամանագրով Վ.Խաչատրյանին շնորհվել է «ԼՂՀ վաստակավոր բժշկի» պատվավոր կոչում:

Պլաստիկ և վերականգնողական վիրաբույժ, առողջապահական ծրագրերի ղեկավար, ԵՊԲՀ Պլաստիկ և
վերականգնողական վիրաբուժության ամբիոնի դոցենտ

Գ. Յաղջյանը պլաստիկ և վերականգնողական վիրաբուժության հարուստ և բազմամյա փորձ ունեցող մասնագետ է:
Վիրաբուժական աշխատանքին զուգահեռ բժիշկ Յաղջյանը որպես վիրաբույժ-խորհրդատու իր խորհրդատվական
աջակցությունն է տրամադրում Հայաստանի և Արցախի ընդհանուր և նեղ մասնագիտացումով վիրաբույժներին։
Վերջին 10 տարիների ընթացքում Գևորգ Յաղջյանն ակտիվ մասնակցություն է ունեցել անվանի բժշկական
կենտրոններում և աշխարհի տարբեր համալսարաններում (Փենսիլվանիայի համալսարան, Եյլի համալսարան, Կոռնելի համալսարան, Զալցբուրգի համալսարան) կազմակերպված ուսումնական և մասնագիտական վերապատրաստման ծրագրերում: Բոստոնի համալսարանի բժշկական դպրոցի շրջանավարտ է։

2007-2011 թթ. պարոն Յաղջյանը զբաղեցրել է Երևանի պետական բժշկական համալսարանի (ԵՊԲՀ)
հետբուհական և շարունակական կրթության գծով պրոռեկտորի պաշտոնը։ 2011-2015 թթ. Հայաստանի
իզոտոպների արտադրության կենտրոնում պաշտոնավարել է որպես գործադիր տնօրեն, Հայաստանի ազգային մրցունակության հիմնադրամում աշխատել է որպես բժշկական ծրագրերի ղեկավար։ Բժիշկ Յաղջյանը եղել է նաև «Երկրի և մշակույթի կազմակերպության» (հայաստանյան մասնաճյուղ) նախագահ, Հայ օգնության ֆոնդի (ՀՕՖ) առողջապահական ծրագրերի խորհրդի անդամ և ԱՄՆ-ի հայկական ֆոնդի HYBRIDGE TELEHEALTH ծրագրի բժշկական ղեկավար։

Բժիշկ Յաղջյանը հանրային-մասնավոր հատված բանակցությունների, նախագծերի և ռեսուրսների ներգրավման կառավարչական, ինչպես նաև բազմազգ թիմերի առաջնորդման մեծ փորձառություն ունի։ 2010 թ. բժիշկ Յաղջյանը գերազանց դասավանդման համար ԵՊԲՀ–ի կողմից (համալսարանի 90-ամյակի առթիվ) պարգևատրվել է ոսկե մեդալով։ 2011 թ. ՀՀ պաշտպանության նախարարության կողմից նրան շնորհվել է Դրաստամատ Կանայանի ոսկե մեդալ: Տեղական և միջազգային հեղինակավոր ամսագրերում լույս տեսած գիտական մի շարք հոդվածների հեղինակ է։

բժիշկ-մանկաբույժ, Երևանի Մխիթար Հերացու անվան Պետական Բժշկական Համալսարան

Հայ օգնության ֆոնդի Հայաստանի գրասենյակի փոխտնօրեն, առողջապահական ծրագրերի տնօրեն, «Քլին Չոյս» ընկերության բիզնեսի զարգացման կառավարիչ, Հայաստան Արցախ Հիմնադրամի պատասխանատու ՀՀ-ում։ 2007թ-ից սկսած ընդգրկված է Հայաստանի միջազգային բժշկական համագումարների կազմակերպչական կոմիտեում։

Հ․ Սիմոնյանը, ՀՕՖ-ի Բժշկական Շրջանավարտների Խորհրդի, «Դայրեկտ Ռելիեֆ» կազմակերպության միջազգային խորհրդատուների խորհրդի, ՀՀ ԱՆ ԱԱԻ գիտաբժշկական գրադարանի գիտական խորհրդի, Շարունակական մասնագիտական Զարգազման միջազգային կենտրոնի հոգաբարձուների խորհրդի և Մանկաբույժների հայկական ասոցիացիայի խորհրդի անդամ է։

Հ․ Սիմոնյանը արժանացել է մի շարք վկայականների և մեդալների՝ ՀՀ և Արցախի կառավարության, տեղական և միջազգային կազմակերպությունների կողմից։ Տեղական և միջազգային հեղինակավոր ամսագրերում լույս տեսած գիտական մի շարք հոդվածների հեղինակ է։