Հայաստանի միջազգային բժշկական համագումարը տասնամյակների պատմություն ունեցող համահայկական նշանակության խոշորագույն միջոցառում է։ 1967 թվականից սկսած Սփյուռքում չորս տարին մեկ պարբերականությամբ տեղի էր ունենում աշխարհասփյուռ հայ բժիշկների համագումար՝ Հայ բժիշկների համաշխարհային կոնգրես անվամբ։ 2001 թվականին ՀՀ առողջապահության նախարարության և Հայ բժիշկների միջազգային կոմիտեի միջև ձեռք բերված համաձայնությամբ հիմք դրվեց համագումարներն ամեն երկու տարին մեկ Սփյուռքում և Հայաստանում անցկացնելու ավանդույթին։
Ըստ այդմ՝ 2003 թվականին Հայաստանում առաջին անգամ անցկացվեց Հայաստանի Առաջին Միջազգային Բժշկական Համագումարը։ 2-րդ, 3-րդ, 4-րդ և 5-րդ Համագումարներն հաջորդաբար անցկացվել են 2007, 2011, 2015 և 2019 թվականներին։ Հայաստանի 6-րդ Միջազգային Բժշկական Համագումարը տեղի է ունենալու 2023 թվականի հուլիսի 6-8-ին՝ Հայաստանում և Արցախում։ Սփյուռքում Միջազգային Բժշկական Համագումարներն անցկացվել են 2001թ-ին Տորոնտոյում, 2005թ-ին Սան Ֆրանցիսկոյում, 2009թ-ին Նյու-Յորքում և 2013թ-ին Լոս Անջելեսում: Համագումարներին ավանդաբար մասնակցում են հազարավոր բժիշկներ, բժշկական և առողջապահական ոլորտի մասնագետներ։
Համագումարի շրջանակներում կազմակերպվում են նաև թեմատիկ սատելիտային սիմպոզիումներ և սեմինարներ, որտեղ ներկայացվում են ճանաչված մասնագետների դասախոսություններ, քննարկվում են գործնական բժշկագիտության արդիական հարցեր: Այն հնարավորություն է տալիս Համագումարի աշխատանքներում շատ ավելի մեծ թվով մասնակիցներ ընդգրկել՝ վերջիններիս ներկայացնելով թեմատիկ դասախոսություններ բժշկագիտության ժամանակակից ձեռքբերումների և բուժման արդիական մեթոդների վերաբերյալ: Համագումարը նաև Հայաստանից և արտասահմանից գիտնականներին հնարավորություն է ընձեռում ներկայացնել գիտական հոդվածներ, որոնք հետագայում տեղ են գտնում Համագումարի շրջանակներում ներկայացվող զեկուցումներում և տպագրվում են Համագումարի նյութերի ժողովածուում։
Համագումարի աշխատանքները համակարգվում են Համագումարի Կազմակերպչական կոմիտեի կողմից, իսկ գիտական հատվածի համակարգումն իրականացնում է Համագումարի Գիտական կոմիտեն։
Համագումարի շրջանակներում տեղի ունեցող լիագումար նիստերին ներկայացվում են միջազգային ճանաչում ունեցող գիտնականների դասախոսություններ` նվիրված բժշկական հայտնագործությունների և բուժման առաջադեմ եղանակներին, կազմակերպվում են բժշկագիտության տարբեր ուղղությունների գիտական սեկցիաներ, որտեղ ներկայացվում են արդի հետազոտությունները լուսաբանող զեկույցներ: Համագումարի երրորդ օրն ավանդաբար նվիրված է լինում Հայաստան-Սփյուռք համագործակցության շրջանակներում առողջության պահպանման և բժշկական կրթությանն ուղղված տարբեր ծրագրերի ներկայացմանը: 2023 թվականի հուլիսի 6-8-ը Հայաստանում և Արցախում «Բժշկական համագումար» հիմնադրամի, ՀՀ Առողջապահության նախարարության, Հայկական բժշկական միջազգային կոմիտեի (AMIC) հովանու ներքո անցկացվող Հայաստանի 6-րդ Միջազգային Բժշկական Համագումարի առաքելությունն է ամրապնդել Հայաստան-Սփյուռք կապերը, քննարկել Հայաստանի և Արցախի առողջապահական համակարգերի առջև ծառացած հիմնախնդիրները, սահմանել գերակայություններն, ինչպես նաև նպաստել առողջապահական և բժշկական ոլորտների առաջադիմական փորձի փոխանակմանը և տեղայնացմանը:
բ.գ.դ., պրոֆեսոր, ԱՐԱԲԿԻՐ բժշկական համալիր-Երեխաների և դեռահասների առողջության ինստիտուտի գիտական ղեկավար, Երևանի պետական բժշկական համալսարանի մանկական վիրաբուժության ամբիոնի վարիչ
Ա. Բաբլոյանը Հայաստանի խոշոր մանկաբուժական հիվանդանոցներից մեկի՝ ԱՐԱԲԿԻՐ ԲՀ-ԵԴԱԻ հիմնադիրն է։ Նա վիրաբույժ և հանրային առողջության փորձագետ է։ Երևանի պետական բժշկական ինստիտուտի մանկաբուժության ֆակուլտետն ավարտելուց հետո ասպիրանտուրան շարունակել է մանկական վիրաբուժության ոլորտում Մոսկվայում և Սանկտ Պետերբուրգում, որտեղ ստացել է թեկնածուի և դոկտորի գիտական աստիճաններ։ Բելգիայում և Շվեյցարիայում երիկամների փոխպատվաստման շարունակական վերապատրաստման շնորհիվ բժիշկ Բաբլոյանը Հայաստանում հիմնել է օրգանների փոխպատվաստման ծրագիրը։ Պրոֆեսոր Բաբլոյանը 1997 թվականից Երևանի պետական բժշկական համալսարանի մանկական վիրաբուժության ամբիոնի վարիչն է։
Երկու տարի ժամանակով զբաղեցրել է ՀՀ ԱԺ նախագահի պաշտոնը, որին նախորդել է առողջապահության, մայրության և մանկության հարցերի մշտական հանձնաժողովի նախագահի պաշտոնը տասը տարի ժամկետով: 1991-1997 թվականներին զբաղեցրել է ՀՀ առողջապահության նախարարի պաշտոնը։
Ա. Բաբլոյանն ունի Առողջապահության համաշխարհային կազմակերպության (ԱՀԿ) հետ աշխատելու երկարամյա փորձ՝ լինելով Եվրոպայի Տարածաշրջանային կոմիտեի (ԱՀԿ) մշտական հանձնաժողովի անդամ, Երեխաների և դեռահասների առողջության հարցերով տեխնիկական ղեկավար կոմիտեի (ԱՀԿ) անդամ և ԱՀԿ գործադիր խորհրդի անդամ:
Պրոֆեսոր Բաբլոյանը 3 գիտական գյուտերի, 8 մենագրությունների և ավելի քան 235 հրապարակումների հեղինակ է։
բժիշկ-մանկաբույժ, Երևանի Մխիթար Հերացու անվան Պետական Բժշկական Համալսարան
Հայ օգնության ֆոնդի Հայաստանի գրասենյակի փոխտնօրեն, առողջապահական ծրագրերի տնօրեն, «Քլին Չոյս» ընկերության բիզնեսի զարգացման կառավարիչ, Հայաստան Արցախ Հիմնադրամի պատասխանատու ՀՀ-ում։ 2007թ-ից սկսած ընդգրկված է Հայաստանի միջազգային բժշկական համագումարների կազմակերպչական կոմիտեում։
Հ․ Սիմոնյանը, ՀՕՖ-ի Բժշկական Շրջանավարտների Խորհրդի, «Դայրեկտ Ռելիեֆ» կազմակերպության միջազգային խորհրդատուների խորհրդի, ՀՀ ԱՆ ԱԱԻ գիտաբժշկական գրադարանի գիտական խորհրդի, Շարունակական մասնագիտական Զարգազման միջազգային կենտրոնի հոգաբարձուների խորհրդի և Մանկաբույժների հայկական ասոցիացիայի խորհրդի անդամ է։
Հ․ Սիմոնյանը արժանացել է մի շարք վկայականների և մեդալների՝ ՀՀ և Արցախի կառավարության, տեղական և միջազգային կազմակերպությունների կողմից։ Տեղական և միջազգային հեղինակավոր ամսագրերում լույս տեսած գիտական մի շարք հոդվածների հեղինակ է։
քարտուղար քարտուղար
Առողջապահական համայնքի հետ հարաբերությունների պատասխանատու
Մկրտիչ Ավագյան | դոցենտ, բ.գ.թ., Հայաստանի ավանդական և այլընտրանքային բժշկության մասնագետների ասոցիացիայի նախագահ, «ԱլտՄեդ» վերականգնողական, կանխարգելիչ և ավանդական բժշկության ԲԿ-ի (Բժշկական Կենտրոն) հիմնադիր-ղեկավար, Մ. Հերացու անվան Երևանի պետական բժշկական համալսարանի Այլընտրանքային բժշկության դասընթացի վարիչ
