https://biomarker.substack.com/p/flagship-pioneering-avak-kahvejian?utm_campaign=post

Ավագ Գահվեջյանը հայտնի կենսաքիմիկոս է, զբաղվում է ձեռնարկատիրական և կառավարչական գործունեությամբ։ Հանդիսանում է առողջության պահպանման ոլորտում հեղինակավոր Flagship Pioneering ընկերության Գլխավոր գործընկերը՝ ղեկավարելով բուժական նոր հարթակների ստեղծմամբ և գործարկմամբ զբաղվող թիմը։  Պարոն Գահվեջյանը մեծ և հաջողված փորձ ունի առողջության պահպանմանն ուղղված գիտական նորարարական հետազոտությունների համակարգման և դրանց արդյունքների առևտրայնացման ոլորտում։

Ծնվել է Բեյրութում, Լիբանան, ավարտել է Բեյրութի ամերիկյան համալսարանի բժշկական դպրոցը։
Ավարտելով ուսումը Չիկագոյի հիվանդանոցների համալսարանում և Մասաչուսեթսի ընդհանուր հիվանդանոցում Բոստոնում՝ միացել է Նյարդաբանության բաժանմունքին Բոստոնի համալսարանի Չոբանյան և Ավեդիսյան բժշկական դպրոցում, որտեղ հանդիսանում է նյարդաբանության պրոֆեսոր։

Պրոֆեսոր Բաբիկյանը կլինիցիստ է և գիտնական, մասնագիտացված է ուղեղային արյան շրջնառության գնահատման և ցերեբրովասկուլյար հիվանդությունների ոլորտներում։ Հրապարակել է 4 դասագիրք և ավելի քան 150 գիտական աշխատություններ և գրքերի բաժիններ կաթվածի ոլորտում։ Ելույթներով և
դասախոսություններով ավելի քան 140 անգամ հանդես է եկել տարբեր ազգային և միջազգային
հարթակներում։
Պրոֆեսոր Բաբիկյանը հանդիսանում է Հայաստանի համար կաթվածի նախաձեռնության խորհրդի նախագահ և Հայաստանի կաթվածի գործադիր խորհրդի անդամ։

Բժշկական գիտությունների դոկտոր, Կոլումբիայի համալսարանի բժշկության և վիրաբուժության քոլեջի պրոֆեսոր, Միջազգային ուսուցման և գիտության բժշկական բաժնի ղեվարակի տեղակալ, Կոլումբիայի համալսարանում Էնդոկրինոլոգիայի բաժանմունքի և մետաբոլիկ ոսկրային հիվանդությունների ծրագրի ղեկավար: 

Հանդիսանում է մի շարք մասնագիտական միությունների անդամ, ներառյալ Ոսկրամիներալային փոխանակության ուսումնասիրության ամերիկյան միության (ASBMR, նախագահ՝ 1995-1996), կլինիկական դենսիտոմետրիայի միջազգային միության (ISCD, նախագահ 1999-2001), Էնդոկրին միության, կլինիկական գիտության ամերիկյան ֆեդերացիայի, կլինիկական ուսումնասիրությունների ամերիկյան միության, ամերիկյան թերապևտների ասոցիացիայի, կլնիկական էնդոկրինոլոգների ամերիկյան ասոցիացիայի, Դեղագիտության և փորձարարական թերապիայի ամերիկյան միության, էնդոկրինոլոգիայի ամերիկյան քոլեջի։ Եղել է Օստեոպորոզի միջազգային հիմնադրամի կառավարման խորհրդի անդամ (1999-2015), ներկայումս վերջինիս գիտական խորհրդի խորհրդատու է։ Էնդոկրին ռեզիդենտերի հիմնադրամի նախագահ։ Կլինիկական էնդոկրինոլոգիայի և նյութափոխանակության ամսագրի գլխավոր խմբագիր, Ոսկրերի և միներալների ուսումնասիրությունների ամսագրի ավագ խմբագիր,  Ոսկրերի ուսումնասիրությունների խորհրդատու խմբագիր։

Պրոֆ․ Բիլեզիկյանը արժանացել է բազմաթիվ պարգևների և մրցանակների. 2018թ-ին նա ստացել է
ազգային ժողովի պատվո շքանշան ՀՀ Կառավարությունից և նույնանման պարգև՝ Բրազիլիայի
Կառավարությունից։ 2019թ․-ին ստացել է Կոլումբիայի համալսարանի ընդհանուր թերապիայի և
վիրաբուժության քոլեջի ամենաբարձր պարգևը՝ ոսկե շքանշան՝ բժշկական գիտության ասպարեզում իր
նվաճումների համար։ 2020թ․-ին ստացել է Ոսկրամիներալային փոխանակության ուսումնասիրության
ամերիկյան միության Վիլյամ Նյումանի անվան պարգևը՝ գիտական նվաճումների համար։

Mass General Brigham-ի Գենային և բջջային թերապիայի ծրագրի առաջին ղեկավար։

Ռոջեր Հաջարը կենսաբժշկական ինժեներիայի ոլորտում բակալավրի աստիճանը ձեռք է բերել Ջոն Հոփկինսի համալսարանում, իսկ բժշկական գիտությունների դոկտորի աստիճանը ձեռք է բերել Հարվարդի Բժշկական դպրոցում և Մասաչուսեթսի տեխնոլոգիական ինստիտուտի Հարվարդի Առողջապահական գիտությունների և տեխնոլոգիաների ֆակուլտետում։ Մասնագիտական կրթությունը ներքին հիվանդությունների, սրտաբանության, սրտային անբավարարության/ սրտի փոխպատվաստման և գիտական հետազոտությունների ոլորոտներում ստացել է Մասաչուսեթսի ընդհանուր հիվանդանոցում Բոստոնում, որտեղ նա հետագայում ղեկավարել է Ինտեգրատիվ ֆիզիոլոգիայի և իմիջինգի սրտաբանական լաբորատորիան։ 2007-2018թթ․ Դր․ Հաջարը եղել է սրտաբանական հետազոտությունների կենտրոնի տնօրենը, Նյու-Յորքի Մաունթ Սինայի բժշկական դպրոցի պրոֆեսոր։

2019-2022թթ․-ին ղեկավարել է գիտական հետազոտությունների և զարգացման բաժինը Ռինգ թերապյութիքս, ֆլագմանյան նորարարական ընկերությունում։
Դոկտոր Հաջարը գենային ինժեներիայի ոլորտում համաշխարհային հռչակ ունեցող գիտնական է։ Ռոջեր
Հաջարի ղեկավարությամբ է տեղի ունեցել սրտային անբավարարությամբ հիվանդների մոտ մարդկային
գենային թերապիայի առաջին փորձարկումները։ Դոկտոր Հաջարը սրտի գենային թերապիայի ոլորտում
500-ից ավել գիտական հրապարակումների հեղինակ է, բազմաթիվ անվանի մրցանակների կրող, ինչպես
նաև գենային թերապիայի ոլորտում հաջողությամբ գործառնող մի շարք ընկերությունների հիմնադիր։

Շարոն Անուշ Չեքիջյանը Յելի Բժշկական դպրոցի Անհետաձգելի բժշկության ամբիոնի դոցենտ է, Գլոբալ առողջապահության և Միջազգային անհետաձգելի բժշկության ստորաբաժանման դասախոս։

Շարոն Չեքիջյանի գիտական հետաքրքրությունների շրջանակն է գլոբալ անհետաձգելի օգնությունը, այդ ոլորտում համակարգերի զարգացումը, ոչ  կանխամտածված վնասվածքների կանխարգելումը, միջին և ցածր եկամուտ ունեցող երկրներում կաթվածի և սրտաբանական օգնությունը։ Դր․Չեքիջյանը ղեկավարել և մասնակցել է ծրագրերի ՀՀ, Ուգանդայում և Իրաքում, հանդիսացել է Համաշխարհային բանկի և ԱՄՆ Պետդեպարտամենտի խորհրդատու։
Հանդիսանում է ՀՀ կաթվածի նախաձեռնության (SIATA) խորհրդատվական խորհրդի անդամ, ՀՀ ԱՆ Առողջապահության ազգային ինտիտուտի հրավիրված   պրոֆեսոր: 2020թ․-ին ստացել է Ֆուլբրայթի գրանտ ՀՀ անհետաձգելի բուժօգնությունը բարելավելու՝ անհետաձգելի բուժօգնության ռեզիդենտուրայի նոր ծրագրի ստեղծման համար, Հայաստանի ամերիկյան համալսարանի Թրփանճեան Հանրային առողջության դպրոցի և ԱԱԻ հետ համագործակցությամբ։

Նա խորապես նվիրված է բուժառուների փորձառության, հաղորդակցման և բժշկության մեջ հումանիզմի խնդիրներին։ Նա հանդիսացել է մարդու իրավունքների թեմային նվիրված՝ 1915թ․-ի Հայոց ցեղասպանության մասին «Թաքնված քարտեզ» ֆիլմի համապորդյուսեր, որը հեռարձակվել է ԱՄՆ-ում 2022թ․-ին ազգային PBS ալիքով։

Նոռա Փաշայանը քաղցկեղի կիրառական հետազոտությունների պրոֆեսոր է և Լոնդոնի համալսարանական քոլեջի հանրային առողջության խորհրդական, Լոնդոնի համալսարանական քոլեջի քաղցկեղի կիրառական հետազոտությունների բաժնի ղեկավար և Քաղցկեղի վաղ ախտորոշման միջազգային ալյանսի կրթական ուղղության տնօրեն։

Ուսուցանել է կենսաբանություն, այնուհետ՝ բժշկություն Բեյրութի ամերիկյան համալսարանում, ձեռք է բերել Ընտանեկան բժշկության և Հանրային առողջապահության մասնագիտություններ։ Համաճարակաբանության մագիստրոսի կոչումը ստացել է Լոնդոնի Հիգիենայի և տրոպիկական բժշկության դպրոցում, Հանրային առողջության մագիստրոսի կոչումը՝ Քեմբրիջի համալսարանում։ Գիտական աստիճանը ստացել է Քեմբրիջի համալսարանում շագանակագեղձի քաղցկեղի ընթացքի մոդելավորման և քաղցկեղի սկրինինգի ժամանակ գենոմիքսի կիրառման ոլորտներում։

Գիտական հետաքրքրությունների շրջանակն է քաղցկեղի սքրինինգը, ռիսկերը, ծրագրի ծախսարդյունավետության, վտանգի և օգուտների հաշվեկշռի վրա հիմնված սքրինինգային ռազմավարությունները և դրանց իրականացման ուղիները։

Քաղցկեղի հետազոտությունների միջազգային գործակալություն, Առողջապահության համաշխարհային կազմակերպություն

Յակոպո Բաուսսանոն մասնագիտությամբ վարակաբան է և համաճարակաբան, Առողջապահության համաշխարհային կազմակերպության Քաղցկեղի հետազոտությունների միջազգային գործակալության կազմում գործող Վաղ հայտնաբերման, կանխարգելման և վարակների ստորաբաժանման հանրային որոշումների մոդելավորման թիմի ղեկավար (Լիոն, Ֆրանսիա)։ Մինչ գործակալության թիմում ընդգրկվելը, 2012թ․-ին բժիշկ Բաուսսանոն աշխատել է Քաղցկեղի կանխարգելման կենտրոնում Թուրինում, Իտալիա և Լոնդոնի Թագավորական քոլեջի հանրային առողջության դպրոցում, որտեղ նրա հետազոտությունները կենտրոնացած են եղել վարակային հիվանդությունների վերահսկման ոլորտում, ինչպես բարձր, այնպես էլ ցածր և միջին եկամուտ ունեցող երկրների խոցելի բնակչության շրջանում։ Արգանդի պարանոցի քաղցկեղի վերահսկման ոլորտում նրա հետազոտությունները միավորում են քանակական և կանխարգելիչ մոդելավորումը դաշտային համաճարակաբանության հետ՝ բարձր և ցածր, միջին եկամուտ ունեցող երկրներում ՄՊՎ դեմ պատվաստման ազդեցության և ՄՊՎ-ԴՆԹ-ի սկրինինգի գնահատման նպատակով։

Բժիշկ Բաուսսանոն ակտիվորեն մասնակցում է գիտելիքը և տեխնոլոգիաները բարձր եկամուտ ունեցող
երկրներից ցածր, միջին եկամուտ ունեցող երկրներին փոխանցելու գործին։

Ալեքյան Բագրատ Գեղամի՝ Ռուսաստանի Դաշնության գիտությունների ակադեմիայի ակադեմիկոս է, բժշկական գիտութունների դոկտոր, պրոֆեսոր, սիրտանոթային հիվանդությունների էնդովասկուլյար վիրաբուժության առաջատար մասնագետ։

Ավարտել է Երևանի պետական բժշկական ինստիտուտի բուժական ֆակուլտետը։ 1975-2015թթ․ աշխատել է Բակուլևի անվան սիրտանոթային վիրաբուժության գիտական կենտրոնում, 2015թ-ից մինչ այսօր  հանդիսանում է «Վիշնևսկու անվ․ վիրաբուժության ինստիտուտ» ՖՊԲՀ-ի գիտության և ինովացիոն տեխնոլոգիայների գծով փոխտնօրեն։ 1992թ․-ից Բակուլևի անվ․     սիրտանոթային վիրաբուժության գիտական կենտրոնի սրտի և անոթների հետազոտությունների և բուժման ռենտգենվիրաբուժական մեթոդների բաժնի ղեկավար։ 2005թ․-ին ընտրվեց ՌԴ Բժշկական գիտությունների ակադեմիայի թղթակից անդամ, 2011թ․-ին՝ ակադեմիայի անդամ, 2014թ․-ից հանդիսանում է ՌԳԱ ակադեմիկոս։  

Հանդիսանում է ՌԴ-ում սրտի բնածին արատներով երեխաների էնդովասկուլյար վիրահատությունների մեթոդների հեղինակ։ Առաջին անգամ իրականացրեց նորածինների մոտ աորտայի և թոքային զարկերակի փականային ստենոզի բալոնային լայնացման մի շարք այլ բարդ վիրահատություններ։  Առաջին անգամ աշխարհում իրագործեց աորտաթոքային միջնապատի դեֆեկտի փակում Ամպլատցի օկլյուդերով, Ֆալոյի տետրադի ռադիկալ կոռեկցիայից հետո աորտայի և աջ փորքի միջև հետտրվմատիկ ֆիստուլայի փակման վիրահատություններ։

Հանդիսանում է ՌԴ առողջապահության նախարարության գլխավոր մասնագետ ռենտգենէնդովասկուլյար ախտորոշման և բուժման գծով, ռենտգենէնդովասկուլյար ախտորոշման և բուժման Ռուսաստանյան գիտական միության նախագահ: Ավելի քան 700 գիտական աշխատությունների հեղինակ է, ներառյալ 11 մենագրության և գրքի, արտերկրներում հրատարակվող բազմաթիվ գրքերի համահեղինակ։  Նրա հեղավարության ներքո պաշտպանվել է 8 դոկտորական և 46 թեկնածուական աշխատանք։ 2000թ․-ին Բ․Ալեքյանը արժանացել է Բուրակովսկու անվ․ մեդալով սիրտանոթային վիրաբուժության գծով երիտասարդ մասնագետների պատրաստմանն մեջ իր ներդրման համար, 2001թ․-ին՝ Բուրակովսկու անվ․ մրցանակով սիրտանոթային հիվանդությունների ռենտգենվիրաբուժական բուժման ոլորտում իր մեծագույն ներդրման համար։ 2006թ․-ին ՌԴ նախագահի որոշմամբ պարգևատրվել է  «Բարեկամության» շքանշանով, 2014թ․-ին՝ «Պատվո» շքանշանով։ 2015թ․-ին պրոֆ․ Ալեքյանին շնորհվեց ՌԴ Կառավարության մրցանակակ գիտության և տեխնիկայի ոլորտում։ 2021թ․-ին պրոֆեսորը պարգևատրվեց Ալեքսանդր Նևսկու շքանշանով։

Դոկտոր Շանթ Շեխերդիմյանը ծնվել և մեծացել է Լոս Անջելեսում (Կալիֆորնիա): Իր բժշկական կրթության ճանապարհը նա սկսել է Ֆիլադելֆիայի Դրեքսելի համալսարանում (Փենսիլվանիա), ապա ստացել է հանրային առողջապահության մագիստրոսի աստիճան Կալիֆորնիայի համալսարանում (UCLA)` մասնագիտանալով գլոբալ առողջապահության ոլորտում: Դոկտոր Շեխերդիմյանը կլինիկական օրդինատուրան շարունակել է ընդհանուր վիրաբուժություն մասնագիտացմամբ Կալիֆորնիայի համալսարանում, որին հաջորդել է մանկական վիրաբուժության գծով գիտական աշխատանքը Տորոնտոյի Հիվանդ երեխաների կլինիկայում (The Hospital for Sick Children): Այժմ նա UCLA-ի վիրաբուժության դոցենտ է:

Դոկտոր Շեխերդիմյանն իր ակադեմիական գործունեության մեծ մասը նվիրել է համաշխարհային առողջապահական հետազոտություններին և Հայաստանում առողջապահական համակարգի ամրապնդման գործին: Նա առաջնորդել է ավելի քան 30 ուսանողների և փորձնակների այս ոլորտում։ Դոկտոր Շեխերդիմյանը արժանացել է Ֆուլբրայթ ԱՄՆ մրցանակին՝ Հայաստանում քաղցկեղի սքրինինգի ազգային ծրագրերի զարգացմանն ուղղված իր հետազոտության համար: 2021 թվականին դոկտոր Շեխերդիմյանը նշանակվել է Կալիֆորնիայի համալսարանի «Promise Armenian Institute»-ի ղեկավարի՝ հանրային առողջապահության գծով առաջին տեղակալ: Այս նշանակմանը հաջորդիվ, նա տեղափոխվեց Հայաստան և դարձավ ՀՀ առողջապահության նախարարի խորհրդական, որտեղ և նա ներգրավվել է առողջապահական առաջնային օղակի զարգացման, ամրապնդման և որակի բարելավման ռազմավարությունների մշակման գործում:  

Ուէյն Գրոդին Լոս-Անջելեսի Կալիֆորնիայի համալսարանի Դեյվիդ Գեֆենի բժշկության դպրոցի Պաթոլոգիայի և լաբորատոր բժշկության, մանկաբուժության և մարդու գենետիկայի ամբիոնների պրոֆեսոր, Հասարակության և գենետիկայի ինստիտուտում:

Նա UCLA Health-ի Մոլեկուլային ախտորոշման լաբորատորիաների և կլինիկական գենոմիկայի կենտրոնի տնօրենն է, որը երկրում առաջին նման հաստատություններից մեկն է, որն առաջարկում է ԴՆԹ-ի վրա հիմնված թեստեր՝ գենետիկ, վարակիչ և նորագոյացությունների լայն տեսականի ախտորոշելու համար: Նա նաև մանկաբույժ-խորհրդատու է, որը մասնագիտացած է գենետիկական խանգարումներ ունեցող կամ ռիսկի խմբի հիվանդների բուժման մեջ և համալսարանի բժշկական գենետիկայի ուսոցողական դասընթացի տնօրեն:

Նա ակտիվորեն ներգրավված է հիմնական մոլեկուլային գենետիկայի հետազոտությունների մեջ, ներառյալ
քաղցկեղի տարբեր տեսակների, բնակչության մոլեկուլային գենետիկական սկրինինգի և ժառանգական
հիվանդությունների պաթոգենեզի գենոմային մոտեցումների մեջ: Նա եղել է որակի ապահովման և
էթիկական ուղեցույցների հեղինակը ԴՆԹ-ի վրա հիմնված գենետիկական թեստավորման համար մեծ թվով
պետական ​​և մասնագիտական ​​գործակալությունների համար, ներառյալ FDA, AMA, այլ և NIH-DOE
մարդկային գենոմի ծրագիր (ELSI ծրագիր):

Նա ծառայել է որպես NIH-DOE գենետիկական թեստավորման աշխատանքային խմբի անդամ,
մուկովիսցիդոզի և V- գործոնի լեյդենյան մուտացիայի ազգային ուղեցույցների մշակման աշխատանքային
խմբի նախագահ՝ համար:

Եղել է գենոմային բժշկության խորհրդատվական կոմիտեի հիմնադիր նախագահ Ամերիկայի վետերանների առողջապահական համակարգի համար և Բժշկական գենետիկայի ամերիկյան քոլեջի նախկին նախագահն է:
Նա եղել է Ամերիկյան Քաղաքացիական ազատությունների միության փորձագետը պատմական Գերագույն
դատարանի գործով, որն անվավեր ճանաչեց մարդու գեների արտոնագրումը:

Վերջին մրցանակները ներառում են Ամերիկյան պաթոլոգների քոլեջի մրցանակը, Կլինիկական
պաթոլոգիայի ամերիկյան միության առանձնահատուկ ծառայության համար Ուորդ Բուրդիքի մրցանակը,
Հարվարդի բժշկական դպրոցում դասավանդելու համար Բոուսի մրցանակը, Ռոշերի մրցանակը
վիրաբույժների միջազգային քոլեջից, Առաջնորդության մրցանակ Մոլեկուլային պաթոլոգիայի
ասոցիացիայի կողմից, UCLA կլինիկական ուսուցման մրցանակ և Գիտության առաջընթացի ոլորտում
կրթաթոշակ ամերիկյան ասոցիացիայից:

Բացի այդ, պրոֆեսոր Գրոդին երկար տարիներ ակտիվ գործունեություն է ծավալել կինոյի և հեռուստատեսային ասպարեզում, նախ որպես կինոքննադատ MD Magazine ամսագրի համար,
այնուհետև որպես տեխնիկական խորհրդատու և սցենարիստ մի շարք գեղարվեստական ​​ֆիլմերի,
հեռուստատեսային հաղորդումների և հեռուստասերիալների, ներառյալ Life Goes On, Chicago

Hope, CSI, Medium, Law and Order, Heroes, Grey's Anatomy, WHAT/IF, Chicago Med,
Virgin River և Nutty Professor ֆիլմերը:

Պրոֆ․ Բրոդին ավարտել է Ջոնս Հոփքինսի համալսարանը, ստացել է մագիստրոսի և դոկտորի գիտական ​​աստիճանը Բեյլորի բժշկական քոլեջում, հետո ավարտել է օրդինատուրան ի ինտերնատուրան
Լոս-Անջելեսի Կալիֆորնիայի համալսարանում: Նա կրկնակի հավաստագրված է Պաթոլոգիայի ամերիկյան
խորհրդի (Անատոմիական և կլինիկական պաթոլոգիա, մոլեկուլային գենետիկական պաթոլոգիա) և
Բժշկական գենետիկայի ամերիկյան խորհրդի կողմից (Կլինիկական գենետիկա, մոլեկուլային գենետիկա,
կենսաքիմիական գենետիկա):

Հայաստանի Ամերիկյան Համալսարանի (ՀԱՀ) Թրփանճեան Առողջապահական գիտությունների ֆակուլտետի (CHS) պրոֆեսոր, Հայաստանի Ամերիկյան Համալսարանի պատվավոր նախագահ, Համաճարակաբանության պրոֆեսոր, Լոս Անջելեսի Կալիֆորնիայի Համալսարանի Ֆիլդինգի հանրային առողջապահության դպրոց (UCLA Fielding School of Public Health), Ջոն Հոփկինսի համալսարանի պատվավոր պրոֆեսոր:

Դոկտոր Հարություն Ք. Արմենյանը Լոս Անջելեսի Կալիֆորնիայի Համալսարանի Ֆիլդինգի հանրային առողջապահության դպրոցի համաճարակաբանության պրոֆեսոր է, նախկինում՝ ակադեմիական ծրագրերի դեկան, Ջոնս Հոփկինս Բլումբերգի հանրային առողջության դպրոցում վաստակավոր պրոֆեսոր։ Նույն դպրոցում է ստացել իր հանրային առողջության մագիստրոսի և հետո հանրային առողջության դոկտորի աստիճանները (1972-74)։ Ավարտել է Բեյրութի Ամերիկյան համալսարանը՝ ներքին հիվանդություններ մասնագիտությամբ 1968 թ.։
Համաճարակաբանության ոլորտում նրա գիտական հետաքրքրությունները ներառում է համաճարակաբանական մեթոդների օգտագործումը առողջապահական ծառայությունների և քրոնիկ հիվանդությունների հետազոտություններում՝ ընդգրկելով մի շարք երկրներն ու տարածաշրջանները։ Նա առաջիններից է կիրառել համաճարակաբանական մեթոդներ՝ ուսումնասիրելու 1980-ականների Լիբանանում քաղաքացիական պատերազմի հետևանքները պոպուլյացիոն մակարդակով և 1988թ․-ի երկրաշարժի երկարաժամկետ հետևանքները Հայաստանում։ 1980-ականներին ուսումնասիրել է մանկական մահացությունը՝ օգտագործելով Հայ Եկեղեցու ծխական գրառումները, ինչպես նաև առողջապահական այլ ցուցանիշներ Սփյուռքի 16 երկրներում 300 տարիների ընթացքում։ Վերջին
հետազոտությունը ներառում է երկրաշարժից փրկվածների 23-ամյա հետևողականությունը Հայաստանում։
Պրոֆ․ Արմենյանը ակադեմիական և ղեկավար կարիերան ներառել է ծրագրերի զարգացումը Բահրեյնի Առողջապահության նախարարությունում, Առողջապահական գիտությունների ֆակուլտետի դեկան Բեյրութի Ամերիկյան համալսարան, Ջոն Հոփկինսի համալսարանի հանրային առողջապահության մագիստրոսական ծրագրի տնօրեն, և Հայաստանի ամերիկյան համալսարանի Առողջապահական գիտությունների ֆակուլտետի դեկան։ Նա ՀԱՀ-ի պատվավոր նախագահն է։ Տասնչորս տարի ղեկավարելով ՀԱՀ-ը՝ պրոֆեսորը առաջնորդել է կրթական և զարգացման ծրագրեր Հայաստանում և Մերձավոր Արևելքում։
Վերջին մրցանակները ներառում են՝ Էռնեստ Լայման Ստեբինսի շքանշան՝ կրթության գերազանցության համար և «Ոսկե խնձոր» գերազանցության մրցանակ՝ Ջոնս Հոփքինսի Բլումբերգի հանրային առողջության դպրոցում դասավանդման համար, 2001 թ․-ին ՀՀ Նախագահի «Մովսես Խորենացի» շքանշան, պատվավոր շքանշան Լիբանանի Հանրապետությունից։ Պորֆեսորը մի շարք նշանավոր բժշկական միությունների անդամ է։

Պրոֆ․ Արմենյանը 15 տարի շարունակ եղել է «Համաճարակաբանական ակնարկներ» գլխավոր խմբագիրը և մի շարք մասնագիտական ​​ամսագրերի և հրապարակումների խմբագրական խորհրդի կազմում։ Նա ունի հրատարակել է ավելի քան 100 գիտական ​​աշխատություն և գրախոսված գլուխներ, ինչպես նաև 20 գիրք:
Հայաստանում նա շարունակում է ղեկավարել «Ձեռնարկատիրությունը առողջապահությունում» նախագիծը և Թրփանճեան գյուղական համայքների զարգացման ծրագիրը։

Ռուբեն Կառլենի Վարդանյանը հասարակական-քաղաքական գործիչ է, սոցիալական ձեռներեց և վենչուրային բարերար: 2022թ. նոյեմբերի 4-ից մինչև 2023 թ. փետրվարի 23-ը զբաղեցրել է Արցախի Հանրապետության պետական նախարարի պաշտոնը, Արցախում գործունեություն ծավալող «Մենք ենք մեր սարերը» տարածքային գործակալության համահիմնադիրն է:

Նա հայտնի է որպես ռուսական ֆոնդային շուկայի հիմնադիրներից մեկը, մի շարք գլոբալ նախագծերի համահիմնադիր և գործընկեր, մի շարք խոշոր ընկերությունների, կրթական հիմնարկությունների, մասնագիտական ​​և փորձագիտական ​​կազմակերպությունների, կառավարման և խորհրդատվական խորհուրդների անդամ, տեղական ու միջազգային մրցանակների դափնեկիր։

Ռուբեն Վարդանյանի ամենանշանակալի նախագծերից են «Տրոյկա Դիալոգ» ներդրումային ընկերությունը, ՍԿՈԼԿՈՎՈ բիզնես դպրոցը, Phoenix Advisors և PhilinPhilgood ընկերությունները Ռուսաստանում, Հայաստանում՝ UWC Դիլիջան միջազգային քոլեջը, Հայաստանի գիտության և տեխնոլոգիաների հիմնադրամը (FAST), Տաթևեր ճոպանուղին, «Մատենա» առաջնորդության դպրոցը, «Ավրորա» միջազգային մարդասիրական նախաձեռնությունը, ՀԵՆԱՐ հիմնադրամը, Արցախի Հանրապետության բնակիչների աջակցության «Մենք ենք մեր սարերը» տարածքային զարգացման գործակալությունը,
ԱՊԱԳԱ ՀԱՅԿԱԿԱՆԸ հասարակական նախաձեռնությունը և այլն։

Ավելի քան 30 տարի Ռուբենն ու իր ընտանիքը աշխարհի տարբեր երկրներից գործընկերների հետ 1,5 միլիարդ դոլարից ավելի ներդրումներ են կատարել մարդկային զարգացման առանցքային ոլորտների՝ գլոբալ կրթության, առողջապահության, Կայուն զարգացման նպատակների (Sustainable Development
Goals, SDG) նվաճման, հումանիտար խնդիրների լուծման, ժառանգորդության և մարդասիրության ավանդույթների զարգացման նախաձեռնություններում։

21-րդ դարում աշխարհի և Հայաստանի ու հայերի ապագայի մասին իր հայեցակետերը Ռուբեն
Վարդանյանը ներկայացրել է Նունե Ալեքյանի համագործակցությամբ և բազմաթիվ ծրագրերում իր
հիմնական գործընկեր Նուբար Աֆեյանի մասնակցությամբ իր հեղինակած «Ճամփաբաժանին. Որոշումների

ժամանակը» ձեռագրում։ Այդ աշխատությամբ դրվեց Հայաստան-2041 նախագծի և մինչև 2041 թ.-ը երկրի զարգացման երկարաժամկետ ռազմավարության մշակման սկիզբը։

Ռուբեն Վարդանյանի մասնագիտական ​​վաստակն ու հասարակական գործունեությունը բազմիցս նշանավորվել են միջազգային հեղինակավոր մրցանակներով ու պարգևներով, որոնց թվում են «Սուրբ Մեսրոպ Մաշտոց» շքանշանը, որը շնորհվել է ազգային շահերի պաշտպանության և հանուն Հայաստանի երկարամյա ու բեղմնավոր գործունեության համար, և Հայ առաքելական եկեղեցու բարձրագույն պարգևը՝ «Սուրբ Գրիգոր Լուսավորիչ» շքանշանը։